Unicode, qu'es aquò?
Unicode provedís un nombre unic per cada caractèr,
pauc impòrta la plata-forma,
pauc impòrta lo programa,
pauc impòrta la lenga.
Fondamentalament, los ordinators an de far qu'ambe los nombres.
Emmagazínan las letras e autres caractèrs jos la forma de nombres.
Denant l'invencion d'Unicode, i aguèt de centanas de sistèmas de codificacion de
caractèrs per assignar aquestes nombres.
Minga d'ell podiá conténer pro de caractèrs:
per exemple, res que l'Union Europenca a besonh de mantun
sistèmas de codificacion per cobrir totas las siás lengas d'usatge.
Res que per una soleta lenga coma l'occitan, nat sistèma de codificacion
cobrava pas totas las letras, los signes de ponctuacion e los
simbòls tecnics d'usatge corrent.
Aquestes sistèmas de codificacion son fòrça sovent
en contradiccion entre ells.
Atal, dos sistèmas pòdon utilizar un nombre parier per dos caractèrs diferents
o utilizar de nombres diferents per lo meteis caractèr.
Los ordinators, e mai especialament los servidors,
dèvon suportar mantun sistèmas de codificacion de caractèrs,
adonc quora las donadas van passar d'una codificacion
o d'una platafòma a una autra,
aquellas donadas córron totjorn un risc de corrompement.
Unicode càmbia tot aquò!
Unicode provedís un nombre unic per cada caractèr,
qual que siá la plata-forma, qual que siá lo logicial
e quala que siá la lenga.
L'estandard Unicode a estat adoptat per de caps de rengueta
de l'informatica coma Apple, HP, IBM, JustSystem, Microsoft,
Oracle, SAP, Sun, Sybase, Unisys e
fòrça autres.
Unicode es requist per de nombrós estandards moderns
coma XML, Java, ECMAScript (JavaScript), LDAP, CORBA 3.0, WML, etc.
e es lo biais oficial per implementar la nòrma ISO/CÉI 10646.
Unicode es utilizat dins de nombrós sistèmas d'expleitament,
dins tots los navigators moderns,
e dins de
nombrós autres produchs. L'aparicion del estandard Unicode,
e la disponibilitat d'espleches que lo van suportar,
son las tendencias tecnologicas las mai significativas
dels logicials moderns.
L'incorporacion d'Unicode dins las aplicacions client-servidor,
las aplicacions multi-nivels e los sitis web permés una
reduccion dels costs en relacion a l'emplec dels sistèmas de codificacion traditionnals.
Unicode rende un solet logicial o un solet siti web capable de mirar
mantunas plata-fòrmas, lengas et país.
Unicode permés a de donadas d'ésser trasportadas sobre diferents sistemas
sensa corrupcion.
A prepaus del Consòrci Unicode
Lo Consòrci Unicode
es una organisacion sensa profiech, fondada per desfolopar, estendre et promòure
l'us de l'estandard Unicode que definís la representacion dels texts
dins los produchs logicials e los estandards moderns.
Los membres del consòrci represéntan una larga gama d'entrepresas
e d'organisacions dins lo domeni dels ordinators e de l'informatica.
Le consòrci es solament finançat
per las cotisacions dels sieus membres.
L'adesion al consòrci Unicode
es duberta a totas las organisacions e
personas que sostégan l'estandard Unicode e desíran
favorizar la siá extension e lo sieu emplec.
Se trobarà mai d'entresenhas dins lo
glossari,
l'introduccion tecnica
e las
ressorças utilas [ligams en Englès].
Occitan translation by Miquèl Botin